सत्तेचे विकेन्द्गीकरण करण्याचे महाराष्ट्र शासनाचे धोरणानुसार यवतमाळ जिल्हा परिषदेची स्थापना १ मे १९६२ रोजी झाली. जिल्हयाच्या भौगोलीक स्थितीचे वर्णन करावयाचे झाल्यास यवतमाळ जिल्हा उत्तर अक्षांश १९.२६ व २०.४२ आणि पूर्व रेखांश ७७.१८ व ७९.९८ या दरम्यान वसलेला आहे जिल्हयाची एकुण लोकसंख्या २४,५८,२७१ (२००१ च्या जनगणनेप्रमाणे ) असून त्यापैकी १२,६५,६८१ पुरुष व ११,९२,५९० स्त्रिया आहेत. एकूण लोकसंख्येपैकी ग्रामीण २०,०१,०६० व शहरी ४,५७,२११ लोकसंख्या आहे. एकूण लोकसंख्या स्त्रियांचे प्रमाण ४८.५२ व पुरुषांचे प्रमाण ५१.४८ आहे. जिल्हयाचे साक्षरतेचे प्रमाण ७०.६२ इतके आहे. जिल्हयात एकूण १६ तालुके असून ८ तालुक्याचे मुख्यालयी नगरपालीका व ८ तालुके ग्रामपंचायत क्षेत्रात आहेत.